«Մի՛ մնացեք որոշակի կենտրոններից թելադրված նարատիվների տակ»․ Ռուբեն Ռուբինյան

«Դուք չեք կարող վիճել ինձ հետ, որովհետև դուք միշտ դեմ եք եղել ՀՀ անկախությանը, հիմա էլ եք դեմ: Բայց ես երբ որ մեղադրում եմ դաշնակցականներին, չեմ մեղադրում Առաջին Հանրապետության դաշնակցականներին, մեղադրում եմ ձեզ, որովհետև կարծում եմ՝ դուք ստոկհոլմյան սինդրոմի զոհ եք»,- ԱԺ նիստում, անդրադառնալով «Հայաստան» խմբակցության պատգամավոր Գեղամ Մանուկյանի ելույթին և դիմելով նրան, ասաց ԱԺ փոխնախագահ Ռուբեն Ռուբինյանը:

Շարունակելով ելույթը՝ Ռուբինյանն ընդգծեց. «Ձեզ մի անգամ բախտ է վիճակվել ղեկավարել Հայաստանը, բայց չեք կարողացել պահել անկախությունը: Ենթադրում եմ, որ դա ձեր վրա անդրադարձել է հետևյալ կերպ. դուք մեղավոր եք ձեզ զգացել և ստոկհոլմյան սինդրոմի մեջ եք ընկել, որ ասել եք՝ կարող ա՞ մենք սխալ ենք արել, որ անկախության համար ենք պայքարել, կարող ա՞ պետք էր հանձնվել: Դրա համար 50-60-ական թվականներից դաշնակցության մեջ մտածողություն է փոխվել, որ պետք է փորձեք ոչ թե պետական երազանքների հետևից գանաք, այլ ազգային:

Մի մնացեք 1960-70-ականների որոշակի կենտրոններից թելադրված նարատիվների տակ»: