«Կան ինստիտուտներ, որոնց գործունեության օբյեկտը կործանվող ՀՀ-ն է»․ Նիկոլ Փաշինյան

«Երբ որևէ գյուղում կրակոցի ձայն է լսվում, սոցիալական ցանցերում բուռն քննարկվում է այդ թեման, բայց, որ մեր որևէ գյուղում երկար ժամանակ է կրակոցի ձայն չի լսվում, ոչ մեկ չի քննարկում»,- Կառավարության նիստին ասաց վարչապետ Նիկոլ Փաշինյանը՝ անդրադառնալով ընդդիմադիր քաղաքական գործիչների խոսույթին։
«Մարդիկ կան ասում են ՀՀ-ն կործանվում է։ Այդ մարդիկ ուղղակի չգիտեն Հայաստանը։ ՀՀ-ում կան ինստիտուտներ, կազմակերպություններ, քաղաքական փիլիսոփայություն, որոնք ապրում են Հայաստանի կործանման բանաձևի մեջ, իր գործունեության օբյեկտը կործանվող Հայաստանն է, հետևաբար գործունեության դաշտ ապահովելու համար պետք է հիմնավորել, որ Հայաստանը կործանվում է։ Բայց դա էլ չի ստացվում, որի վկայությունը երեկվա ԱԺ ընդդիմության դատարկ տեղերն էին։ Բայց մենք ինքնամոռացության մեջ չենք ընկնում, պետք է խոսել մեր պրոբլեմների մասին, որ տպավորություն չլինի, թե տեղյակ չենք»,- ասաց Փաշինյանը։