«Այս ի՞նչ սիրահարվածություն եք ցուցաբերում Ալիևի նկատմամբ». Արծվիկ Մինասյան

«Դաշնակցությունը իր ողջ պատմությամբ, նահատակներով պայքարել է Հայոց պետականության համար և այսօր էլ է այդ պայքարը շարունակում: Դուք արհեստականորեն փորձում եք հակադրել այդ պայքարը կեղծ խաղաղասիրության թեզերի հետ: Դուք քողարկում եք ձեր կեղծ խաղաղասիրությունը այսպես կոչված ցորենի ներմուծման իբր ճանապարհի բացման հետ»,- ԱԺ նիստում, դիմելով իշխանության ներկայացուցիչներին, ասել է «Հայասան» խմբակցության պատգամավոր Արծվիկ Մինասյանը:

Նա անդրադարձել է նաև իշխանության «ալիևասիրությանը». «Ալիևասիրության էդ ձեր ձգտումը, մի երկրի ղեկավարի, որը էթնիկ զտման թիվ մեկ պատասխանատուն է Արցախում, որը Արցախում հակադրված միջազգային կանոններով հակադրվող զենքի գործադրման պատասխանատուն է, որը բռնազավթել է հայկական հողերը, հայկական տարրն է վերացնում այնտեղից: Դուք այս ի՞նչ սիրահարվածություն եք ցուցաբերում այդ երկրի ղեկավարի հանդեպ, և մեկ նպատակով, որ պահպանեք ձեր իշխանությունը»: