«Սրանով «կառավարությունը ես եմ» մոդելն ավելի է ընդհանրանում՝ ճյուղավորվելով ամենուր»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը. «Ժամեր առաջ «ժողովրդավարությունն» ու «մարդու իրավունքները» մատի փաթաթան դարձրած իշխանատենչների հերթական ներկայացմանն ականատես դարձանք՝ տեսնելով, թե ինչպես կարելի է ամբողջովին թքած ունենալ հանրության կարծիքի վրա՝ մի ամբողջ ՏԻՄ համակարգ բառացիորեն ջախջախելով։
Դավիթը իշխող մամլիչի թիրախում վաղուց էր, ու դատարանի նման որոշումը լիովին սպասելի էր։ Ըստ էության՝ սրանով «կառավարությունը ես եմ» մոդելն ավելի է ընդհանրանում՝ ճյուղավորվելով ամենուր։
Կասկած չունեմ, որ «ազատատենչ» Արևմուտքը, բնականաբար, աչք է փակելու նաև ռեպրեսիայի այս դրսևորման վրա, քանի որ իրենց բուծած նոր «բռնապետն» ամեն ինչ անում է ըստ տրված գծի։ Ուղղակի ասեմ՝ տվյալ անհատի պարտքերը նույն Արևմտյան տերերին գնալով մեծանում են, իսկ դրանք մի օր՝ ուշ թե շուտ, պետք է փակվեն»։