«Չեմ կարող ասել, թե որ ընկերությունն է ցորեն ներկրել»․ Նիկոլ Փաշինյան

«Անկեղծ ասած՝ չեմ կարող պատասխանել, թե որ ընկերությունն է, ինչքան է վճարվել, վճարվե՞լ է, թե՞ չի վճարվել, կարծում եմ՝ մեր լրատվականից այդ հարցերը հնարավոր է պարզաբանել, որովհետև մանրամասներին չեմ տիրապետում»,- լրագրողների հետ հանդիպմանն այս մասին նշեց վարչապետ Նիկոլ Փաշինյանը՝ պատասխանելով լրագրողի այն հարցին, թե ո՞ր ընկերությունն է Ադրբեջանով ՌԴ-ից և Ղազախստանից ցորեն ներկրում Հայաստան և թե ինչքա՞ն են վճարում Ադրբեջանին տրանզիտ ճանապարհի համար։

Անդրադառնալով ընդդիմադիրների հայտարարություններին, թե իրենց ընտրվելու դեպքում կզսպեն Ադրբեջանի զավթողական քաղաքականությունը, Փաշինյանը նշեց. «Բոլոր հարցերը լուծված են Վաշինգթոնի հռչակագրով: Ընդ որում՝ դա երկկողմանի փաստաթուղթ է՝ ստորագրված նաև ԱՄՆ-ի կողմից, և պետք չէ կարգավորված հարցերը կարգավորելու մասին խոստումներ տալ։ Այդ հարցերը կարգավորված են»։