«Փաշինյանն իրեն դրել է Ադրբեջանի ղեկավարի ափի մեջ՝ սպառնալիք ստեղծելով ՀՀ-ի համար»․ Տաթևիկ Հայրապետյան

Ադրբեջանական հարցերով փորձագետ Տաթև Հայրապետյանը Թելեգրամի իր ալիքում գրել է․««Ադրբեջանական կողմը փաստացի Փաշինյանին տվել է «քարտ բլանշ»՝ խաղաղության քաղաքականություն վարելու համար և ստեղծել է հնարավորություն։ Խաղաղության քաղաքականություն վարելով՝ պաշտոնական Բաքուն Փաշինյանին առավելություն է տվել ընտրություններից առաջ։ Նա նաև պարտավոր է օգտագործել սա՝ աշխատանքը արագացնելու համար։ Աշխատանքը չի ավարտվում միայն հայտարարություններ անելով»,- իր հարցազրույցում նման միտք է արտահայտել Ադրբեջանի Միլլի Մեջլիսի պատգամավոր Սամեդ Սեյիդովը։

Մի քանի օր առաջ հենց այս թեմայով գրառում էի արել։ Փաշինյանը իրեն դրել է Ադրբեջանի ղեկավարի ափի մեջ՝ դրանով իսկ ուղղակի սպառնալիք ստեղծելով Հայաստանի համար։ Դրա համար էլ Բայրամովի ու Ալիևի վերջին հայտարարություններից հետո վերադարձավ «անկլավների» թեմային։ Ով նայի քարտեզին, կհասկանա, թե դրանց հանձնումը ինչ է նշանակում Հայաստանի համար»։