«Ոչ Գյումրին էր Ռիո դե Ժանեյրոյի կառնավալ, ոչ էլ Վաղարշապատի ընտրությունները՝ չումա»․ Արմեն Աշոտյան

«Ես դեմ էի Գյումրու օրինակի պճնեցմանը նույնքան, որքան դեմ եմ Վաղարշապատի օրինակի ողբերգացմանը»,- «Առավոտ»-ի եթերում ասել է ՀՀԿ փոխնախագահ Արմեն Աշոտյանը՝ խոսելով Վաղարշապատի ընտրությունների մասին։ «Երբեմն ընդդիմադիր դաշտում, իսկ իշխանական դաշտում դա միշտ է եղել, մարդիկ այնքան են տարվում փիառով, որ սկսում են խաղալ՝ մոռանալով, որ գնդակը իրենց մոտ չի։ Էս տրամաբանության մեջ ոչ Գյումրին էր Ռիո դե Ժանեյրոյի կառնավալ, ոչ էլ Վաղարշապատի ընտրությունները չումա էր։ Ընդդիմադիր դաշտի համար ամենակարևոր հետևությունն այն է, որ ձայների փոշիացումը ոչ թե տեսական բան է, այլ իրական պրոբլեմ, և այդ ձայները փոշիանում են հիմնականում ընդդիմադիր դաշտից»,- հավելել է Աշոտյանը։