«Ես էլ կարող եմ մատուցել պատարագ, ես կորոշեմ՝ զեղչե՞լ, թե՞ ոչ Վեհափառի անունը»․Մաշտոց քահանա Ստեփանյան

«Ես էլ կարող եմ մատուցել, ի՞նչ խնդիր կա»,- այս մասին «Նյուզ»-ի հետ զրույցում նշեց Այգեշատի քահանա տեր Մաշտոց Ստեփանյանը՝ անդրադառնալով հարցին, թե ո՞վ է մատուցելու կիրակի օրը նախատեսված՝ Նիկոլ Փաշինյանի մասնակցությամբ պատարագին։

Հարցին, որ եթե ինքը մատուցի պատարագը, այդ ժամանակ, զեղչելո՞ւ է Վեհափառի անունը, թե՞ ոչ, նա արձագանքեց. «Եկեղեցու դռները բոլորի առաջ բաց են, ոչ մի արգելք չկա, ովքեր ուզում են թող գան, ովքեր չեն ուզում, Աստված իրենց հետ․․․ Ես պատարագ մատուցելիս կորոշեմ՝ զեղչել, թե ոչ․․․ Եկեք պատարագին, կտեսնեք։ Դուք ժամանակից առաջ մի՛ անցեք»։