««Տաբուրետկա», «թթվի քար» պատգամավորները չպիտի լինեն ԱԺ-ում»․ Նաիրա Զոհրաբյան

«Եթե կուսակցական «չիստկաներին» հումորով վերաբերվենք, ապա տպավորություն ունեմ, որ Նիկոլը կուսակցական քասթինգ է անում»,- այս մասին «24Նյուզ»-ի հետ զրույցում նշեց ԱԺ նախկին պատգամավոր, հասարակական-քաղաքական գործիչ Նաիրա Զոհրաբյանը։
«Տեսնում ենք՝ ուղեղի մի քանի շերտ ունեցողները դուրս են մնում ցուցակից, սեփական տեսակետ ունեցողները, վարչությունում որևէ հարցում ինչ-որ կերպ ընդդիմացողները դուրս են մնում ցուցակից, և մնում են բացառապես նրանք, ովքեր Նիկոլին տեսնելիս ասում են՝ «Օ՜ Բենամուկի»։
Նիկոլ Փաշինյանը գնում է տրիումֆիալ վերարտադրության 2026թ․, տեսանք՝ ինչպես ստացավ ԵՄ «դաբրոն»՝ ինչ ուզում ես արա, ոչ միայն ծափ կտանք, այլ նաև փող կտանք, ուստի իրեն պետք է ստրկատիրական համախոհների համքարություն՝ նոր ընտրական պրոցեսից առաջ»,- նշեց Զոհրաբյանը։

Նրա խոսքով՝ միշտ էլ եղել են պատգամավորներ, ովքեր «թթվի քար» են եղել կամ «տաբուրետկաներ», և բնականաբար այդ պատգամավորները չպիտի լինեն խորհրդարանում։ «Բայց եթե խոսքը բարեվարքությանն է վերաբերում, ապա առաջինն այդ ցուցակում չպետք է լիներ Նիկոլ Փաշինյանը»։