«Վստա՞հ եք, որ ներկրվածը հենց ադրբեջանական բենզին է». Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը. «ՓԱՍՏԵՐ ԱԴՐԲԵՋԱՆԱԿԱՆ (?) ԲԵՆԶԻՆԻ ՄԱՍԻՆ
«Ավելի լավ ա ադրբեջանական բենզին, քան ռուսական» ոճի մեջ ինչ-որ անհավասարակշիռ մեկնաբանություններ եմ երեկվանից տեսնում։
Վստա՞հ եք, որ դա հենց ադրբեջանական բենզին է։ Վստա՞հ եք, որ Ադրբեջանն ուղղակի լրացուցիչ անիմաստ միջնորդ չէ ՀՀ ու Ռուսաստանի, կամ, ասենք՝ ՀՀ ու Ռումինիայի միջև։
Փաստեր (ընդ որում հենց ադրբեջանական մամուլից).
1. Այս տարվա հունվար-սեպտեմբեր ամիսներին Ադրբեջանը ներկրել է 121177 տոննա Premium Euro-95 բենզին, ինչը մոտ 2 անգամ ավել է անցյալ տարվանից։
2. Ադրբեջան ներկրվող այդ բենզինի 60.8%-ը Ռուսաստանից է։ Հաջորդ երկու խոշորագույն մատակարարներն են ԱՄԷ-ն և Ռումինիան։
3. Ադրբեջանը բենզին է ներկրում նաև Բելառուսից, Վրաստանից և Բուլղարիայից։
Այո՛, Ադրբեջանն ունի սեփական բավականին մեծ արտադրություն, բայց ինչքանով տեղյակ եմ իրենց արտադրածը AI-92 է, իսկ ավելի բարձր օկտանային թվով բենզինը (95/98) հիմնականում ներկրվում է, քանի որ ներքին շուկայի պահանջարկը տեղական արտադրությամբ ապահովել չեն կարողանում։
Այսինքն սա մեծ հավանականությամբ զուտ քարոզչական ակցիա է՝ աջակցելու Հայաստանում իրենց շահերը սպասարկող Նիկոլի նախընտրական կեղծ օրակարգերին»: