«Որ անձրև է գալիս, ձեր կառավարած քաղաքում մարդիկ նստում են ավտոյի կտուրին, կարթ են գցում, ձուկ բռնում». Մանուկ Սուքիասյան

«2025-ին 2024-ի համեմատ շուրջ 40 մլրդ դրամով ավել բյուջե է եղել: Շոշափելիորեն տեսնո՞ւմ եք դա քաղաքում, որ այդքան բան է փոխվել: Ամեն ինչ չափ ու սահման ունի՝ ֆինանսներ մսխելու»,- Երևանի ավագանու նիստի ժամանակ իր ելույթում ասել է «Մայր Հայաստան» խմբակցության անդամ Մանուկ Սուքիայսյանը՝ դիմելով «Քաղաքացիական պայմանագիր» խմբակցության անդամներին: «Ասում եք՝ տոն չանե՞նք: Տենց վախտերը գնում հրապարակում տժժում եք, բա որ անձրև ա գալիս, ձեր կառավարած քաղաքում մարդիկ նստում են ավտոյի կտուրին, կառթ են քցում ջուրը, ձուկ են բռնում ջրի մեջ: Տենց վախտերը դուրս եկեք, այդ մարդկանց ավտոները բրդեք, հանեք: Որ մեկ-երկու օր ձյուն ա գալիս, դուք չկաք, որովհետև սաղ քաղաքը կանգնած ա»,- հավելել է նա: