«Ներդրվել են վերջին սերնդի պատվաստանյութեր». Անահիտ Ավանեսյան

ՀՀ Առողջապահության նախարար Անահիտ Ավանեսյանը կառավարության նիստում անդրարդարձավ վարակիչ հիվանդությունների կանխարգելման ուղղությամբ պատվաստումներին։ Նախարարը հայտնեց, որ ներդրվել են նոր՝ վերջին սերնդի, առավել համակցված վեցավալենտ պատվաստանյութեր, որոնք զգալիորեն նվազեցնում են բազմակի պատվաստումների անհրաժեշտությունը։ «Վարակիչ հիվանդությունների կանխարգելման ուղղությամբ պատվաստումների վերաբերյալ տեղեկատվական դաշտում իրականացվող աշխատանքներն արդեն տալիս են իրենց արդյունքները։ Մասնավորապես, 2025 թվականին 0-ից 1 տարեկան երեխաների պատվաստման ցուցանիշը կազմել է 95.1 %, ինչը 2011 թվականից առկա տեղեկատվական վիճակագրական տվյալների շրջանակում գրանցված ամենաբարձր ցուցանիշն է»- նշեց Ավանեսյանը։

Նա նաև հավելեց, որ Հայաստանում ապահովվում են այլ երկրներ մեր քաղաքացիների ճամփորդության համար անհրաժեշտ պատվաստանյութերի պաշարները, դրանք հասանելի են և տրամադրվում են միջազգային ձևաչափի սերտիֆիկատներ։