«Կսահմանափակվի պաշտոնյաների հետ փոխկապակցված ընկերությունների մասնակցությունը պետական գնումներին»․ Վահե Հովհաննիսյան

Կառավարության նիստում քննարկվում է «Գնումների մասին» օրենքում փոփոխություններ կատարելու մասին հարցը, առաջարիվում է սահմանափակել պաշտոնյաների և նրանց ընտանիքի անդամների հետ փոխկապակցված ընկերությունների մասնակցությունը պետական գնումներին։

Ֆինանսների նախարար Վահե Հովհանիսյանը նշեց, որ առաջարկվում է կիրառել հետևյալ մոդելը․ փոխկապակցված կհամարվեն պաշտոնյայի ամուսինը, պաշտոնյայի կամ նրա ամուսնու զավակը, ծնողը, քույրը, եղբայրը, համատեղ բնակվող անձը, նաև այն ընկերությունը, որտեղ նշված անձինք իրավունք ունեն տիրապետելու կանոնադրական կապիտալի կամ փայաբաժնի կեսից ավելիին և կանխորոշելու ընկերության որոշումները։ Նոր մոդելը սահմանում է ազդեցության 4 մակարդակներ։

Քննարկումից հետո կառավարությունն ընդունեց նախագիծը, սակայն արձանագրվեց, որ այն հարկավոր է բարելավել։