«Օֆշորային ընկերությունները չեն կարող մասնակցել ՀՀ-ում գնումների գործընթացին․ սա պետք է քննարկել ԱԺ-ում»․ Մհեր Գրիգորյան

«Օֆշորային ընկերությունները չեն կարող մասնակցել գնումների գործընթացին, այն պարզ պատճառով, որ թվային ֆիլտրը չի աշխատելու, այդ թվում գնումներին չեն կարող մասնակցել այն իրավաբանական անձինք, որոնց սեփականատերերը օֆշորային ընկերություններ են»,- այս մասին կառավարության նիստում «Գնումների մասին» օրենքի փոփոխությունների քննարկման ժամանակ հայտարարեց փոխվարչապետ Մհեր Գրիգորյանը։

«Այսնինքն՝ այն ընկերությունները, որի բեժնետերերը բացահայտված չեն, ուղղակի չեն կարողանալու մասնակից լինել։ Ես չգիտեմ՝ դա լավ է, թե վատ, բայց դա փաստ է»,- նշեց Գրիգորյանը։

Ֆինանսների նախարար Վահե Հովհաննիսյանը նշեց, որ նեերկայացվող նախագծի համաձայն՝ մրցույթի մասնակիցը ներկայացնում է իրական շահառուների վերաբերյալ տվյալներ, եթե չի ներկայացնում, հետևաբար չի կարող մասնակցել գնումներին. «Եթե կարծում ենք, որ ընդհանրապես պետք է սահմանափակել օֆշորային երկրներից մասնակցությունը, դա կարծում եմ՝ մի փոքր խնդիրներ կարող է առաջացնել գնումների հետ կապված։ Դա մի հարց է, որ ԱԺ-ում քննարկումների փուլում պետք է քննարկվի»։

«Կարծում եմ, այո, ճիշտ կլինի, որ ԱԺ-ում այս հարցը քննարկվի»,- արձագանքեց Գրիգորյանը։