«Արյան քաղցկեղով պացիենտների գրեթե 75-80%-ը լիարժեք առողջանում է». ՀՀ ԱՆ

ՀՀ ԱՆ-ն հայտնում է. «Մանկական քաղցկեղի դեմ պայքարի միջազգային օրը (ICCD) նշվում է յուրաքանչյուր տարի փետրվարի 15-ին, որի նպատակն է բարձրացնել իրազեկությունը մանկական քաղցկեղի և այն եզակի մարտահրավերների մասին, որոնց բախվում են քաղցկեղ ունեցող երեխաներն ու դեռահասները, հիվանդությունը հաղթահարածները և նրանց ընտանիքները:
Երեխաների ուռուցքաբանական և արյունաբանական հիվանդությունների բժշկական օգնության ծառայություններն իրականացվում են առողջության համընդհանուր ապահովագրության, բնակչության առողջության պահպանման բարելավման ծրագրերի շրջանակներում և «Սիթի օֆ Սմայլ» բարեգործական հիմնադրամի աջակցությամբ:
Վիճակագրական տվյալների համաձայն՝ 2024 թվականին մեր երկրում արձանագրվել է շուրջ 130 մանկական քաղցկեղի առաջնակի դեպք:
Հարկ է նշել, որ արյան քաղցկեղի բուժման ցուցանիշները Հայաստանում բավականին բարձր են։ Պացիենտների գրեթե 75-80%-ը լիարժեք առողջանում է, ինչը համադրելի է եվրոպական զարգացած երկրների ցուցանիշների հետ։
Առողջապահության նախարարությունն օնկո-հեմատոլոգիական հիվանդություններով երեխաների և դեռահասների համար նախատեսված դեղերի ապահովումն իրականացնում է հաստատված կլինիկական ուղեցույցներին համապատասխան:
ՀՀ ԱՆ «Յոլյան» արյունաբանության և ուռուցքաբանության կենտրոնում իրականացվում են ոսկրածուծի/արյունաստեղծ ցողունային բջիջների աուտոփոխպատվաստում, իսկ 2021 թվականից իրականացվում է նաև ոսկրածուծի ալոգեն փոխպատվաստում։
2025 թվականին պետական պատվերի շրջանակներում իրականացվել է 6 երեխայի ոսկրածուծի արյունաստեղծ ցողունային բջիջների աուտոփոխպատվաստում և 1 երեխայի ոսկրածուծի արյունաստեղծ ցողունային բջիջների ալոգեն փոխպատվաստում:
Կենտրոնում գործում է Երեխաների և դեռահասների քաղցկեղը վերապրածների կլինիկան, որը հիմնադրվել է 2023 թվականին։ Կլինիկան իր տեսակի մեջ եզակի է Հայաստանում, որը տրամադրում է երկարաժամկետ, համակարգված և բազմապրոֆիլ հսկողություն՝ քաղցկեղից բուժված երեխաների և դեռահասների համար»:

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
174Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50313.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
76211.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81609.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79909.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98706.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103605.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
229304.11.2026, 23:31