«Հայաստանյան ռեժիմը, ստորադասելով արտաքին վտանգները, իրականությունը ներկայացնում է այլ տրամաբանությամբ»․ Տիգրան Աբրահամյան

«Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան էջում հրապարակել է տեսանյութ՝ կից գրառմամբ․ «Վստահ եմ, որ իշխանությունն էլ գիտակցում է, թե ինչ է Ադրբեջանի ուզածը և իր անհամաչափ զիջումները ինչ մեծ գին են ունենալու Հայաստանի համար:
Այլ բան է, որ հայաստանյան ռեժիմը, ստորադասելով արտաքին վտանգներն ու սպառնալիքները, իրականությունը ներկայացնում է լրիվ այլ տրամաբանությամբ ու գույներով, որտեղ առաջնահերթը ոչ թե հայի հավաքական շահն է, այլ ՔՊ
նեղկուսակցական ախորժակը, ոչ թե Հայաստանը, այլ մեր գլխին մուրճ ճոճողները, ոչ թե խաղաղությունը, այլ լիակատար կապիտուլյացիան»: