«Ալիևը ջրեց խաղաղության մասին Նիկոլ Փաշինյանի հեքիաթը»․ Գեղամ Մանուկյան

«Ալիևն ուղղակի ջրեց Նիկոլ Փաշինյանի հեքիաթը՝ իբր խաղաղության մասին։ Ադրբեջանը կրկնեց այն թեզերը, որը տարիներ շարունակ ունեցել է և՛ Արցախի, և՛ այսօր Բաքվում պահվող ռազմաքաղաքական ղեկավարության, մեր հայրենակիցների հետ կապված»,- Բաքվում պահվող հայ գերիների ազատ արձակման պահանջով ակցիայի ժամանակ լրագրողների հետ զրույցում ԱԺ «Հայաստան» խմբակցության պատգամավոր Գեղամ Մանուկյանն այսպես մեկնաբանեց Ադրբեջանի նախագահի խոսքերը՝ Եվրոպական քաղաքական համայնքների 8-րդ գագաթնաժողովի ժամանակ։ «Իրականում ոչինչ չի փոխվել, իրականում այդ պայմանական խաղաղության տակ Ադրբեջանը շարունակում է սողացող, նորանոր օկուպացիաներ Հայաստանի տարածքում և Հայաստանի իրավունքների վրա»,- նշեց ընդդիմադիր գործիչը։