«Փաշինյանը եվրոպացիներին ցույց տվեց, թե ինչքան «крутой» շեֆ ունի»․ Սամվել Կարապետյան

«5 հարց՝ Սամվել Կարապետյանին» շարքի շրջանակներում հերթական տեսանյութն է տարածվել, որտեղ «Ուժեղ Հայաստան» դաշինքի առաջնորդը նշում է․ «Թե՛ Թուրքիան, թե՛ Ադրբեջանը նախընտրական նվերներ են անելու Փաշինյանին, քանի որ դրանից է կախված նրա ընտրվելու հնարավորությունները։

Մենք Թուրքիայի հետ ունենալու ենք նորմալ հարաբերություններ, բայց ելնելով ՀՀ շահերից։ Մենք սահման բացելը չենք համարելու կյանքի խնդիր, եթե մեր երկիրը, մեր գյուղատնտեսությունը դրանից տուժում է, մենք սահմանափակումներ ենք մտցնելու, միայն Հայաստանի և հայ ժողովրդի շահերից ելնելով են բոլոր երկրների հետ հարաբերությունները կառուցելու, բայց ամենաուրախալին Ալիևի նվերն է մեր ժողովրդին, այն, որ արդեն մենք գիտենք, որ Փաշինյանը գնում է Ադրբեջան»։

Անդրադառնալով դիտարկմանը, որ ԵՄ գագաթնաժողովին Ալիևը մասնակցեց հեռավար և իր ելույթում Արցախի ղեկավարներին անվանեց ռազմական հանցագործներ, իսկ Արցախի ժողովրդին՝ անջատականներ, սակայն Նիկոլ Փաշինյանը որևիցե արձագանք չտվեց, Կարապետյանը նշեց․ «Այդտեղ ես հակասություն չեմ տեսնում․վերջին տարիներին դա մեր իշխանությունների ապրելակերպն է, երբ իրենց ղեկավարն Ադրբեջանից հայտարարություններ է անում, իրենք ընդամենը գլուխները կախ պետք է լսեն, խոսելու իրավունք չունեն, այդպես է դրվածքը։ Ալիևն իր ելույթում ցուց տվեց, որ բացարձակ նշանակություն չունի, որ եվրոպական ղեկավարությունը Հայաստանում է, միևնույն է ինքը պլանավորում է 300 հազար մարդ տեղափոխել ՀՀ, իսկ Փաշինյանն էլ եվրոպացիներին ցույց տվեց, թե ինչքան «крутой» շեֆ ունի ինքը։