«Բաքուն համակերպվելու է ԼՂ կարգավիճակի միջազգային լեգիտիմության դեֆորմացիայի հետ»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Գալու է մի պահ, երբ Բաքուն էլ չի հասցնելու աջ ու ձախ բողոքի նոտաներ հղել:
Գալու է մի պահ, երբ Բաքուն համակերպվելու է Լեռնային Ղարաբաղի կարգավիճակի միջազգային լեգիտիմության դեֆորմացիայի հետ:
Դա օբյեկտիվ է, հաշվի առնելով աշխարհում շահերի, ազդեցության գոտիների, լոգիստիկ անցումների համար անհաշտ պայքարը:
Գալու է մի պահ, երբ Ադրբեջանն ինքն է ձգտելու լեզու գտնել արցախցիների հետ, ու ողջամիտ կասկած ունեմ, որ նաև հենց այդ նպատակով են Բաքվում որպես պատանդ պահվում Արցախի նախկին ռազմա-քաղաքական ղեկավարները:
Երբ այդ պահը գա, առաջ կգա նոր տեսություն, որը շախմատային լեզվով կարելի է ասել՝ «Ցուգցվանգ» (գերմ.՝ Zugzwang, ցուգ՝ քայլ, ցվանգ՝ հարկադրված), որը այնպիսի դիրքն է շախմատում, որտեղ կողմերից մեկը օգտակար քայլ չունի, և ցանկացած քայլ հանգեցնելու է մատի, կամ առավել վատթարացնելու է իրավիճակը։
Ինչպես վարպետ Սուն Ցզին կասեր. «Խաղաղությունն ու պատերազմը նույն մեդալի երկու դեմքն են, և նրանք միշտ փոխարինում են միմյանց»