«Հայաստանը շարունակում է մնալ սրտանոթային հիվանդություններից մահացության առաջատար երկրների շարքում»․ Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանի ֆեյսբուքյան գրառումը․ «Հայաստանում արդեն տարիներ շարունակ խոսում են առողջապահական «բարեփոխումների» մասին, սակայն թվերը անողոք են․ սրտանոթային հիվանդությունները շարունակում են մնալ մահացության գլխավոր պատճառը՝ կազմելով բոլոր մահերի 53%-ը։ Միայն 2023 թվականին սրտանոթային հիվանդություններից մահացել է 12,973 մարդ։ Սա պարզապես վիճակագրություն չէ․ սա հազարավոր ընտանիքների ողբերգություն է և պետական քաղաքականության իրական գնահատականը։
Երբ 30-79 տարեկան քաղաքացիների մոտ կեսը տառապում է զարկերակային գերճնշմամբ, երբ Հայաստանը սրտանոթային մահացության ամենաբարձր ցուցանիշներից մեկն ունի աշխարհում, դժվար է խոսել առողջապահության ոլորտում հաջողությունների մասին։ Տասնյակ ծրագրեր, ռազմավարություններ և բարձրագոչ հայտարարություններ են հնչել, սակայն արդյունքը մնում է նույնը՝ մարդիկ շարունակում են մահանալ կանխարգելելի և վերահսկելի հիվանդություններից։
Խնդիրը միայն բուժման մեջ չէ։ Տարիներ շարունակ անտեսվել են հիվանդությունների կանխարգելումը, վաղ հայտնաբերումը և բնակչության առողջապահական կրթությունը։ Ծխախոտի օգտագործումը, անառողջ սնունդը, ֆիզիկական պասիվությունը և ճարպակալումը շարունակում են լայն տարածում ունենալ, իսկ առողջապահական համակարգը հիմնականում զբաղված է արդեն առաջացած բարդությունների հետևանքները մեղմելով։
Ամենացավալին այն է, որ ոչ վարակիչ հիվանդություններից վաղաժամ մահվան հավանականությունը Հայաստանում հասնում է 20.6 տոկոսի։ Սա նշանակում է, որ հազարավոր քաղաքացիներ չեն հասնում նույնիսկ կենսաթոշակային տարիքին՝ կորցնելով կյանքի, աշխատանքի և ընտանիքի հետ կապված իրենց հնարավորությունները։
Եթե առողջապահական քաղաքականության իրական չափանիշը քաղաքացիների կյանքն ու առողջությունն է, ապա այս թվերը ոչ թե հաջողության, այլ լուրջ ձախողման մասին են խոսում։ Ժամանակն է հրաժարվել ցուցադրական հաշվետվություններից և պատասխան տալ մեկ հարցի․ ինչպե՞ս եղավ, որ միլիարդավոր դրամների ծախսերի, բազմաթիվ ծրագրերի և անընդհատ հնչող խոստումների պայմաններում Հայաստանը շարունակում է մնալ սրտանոթային հիվանդություններից մահացության առաջատար երկրների շարքում։
Հ․Գ․ Սիրելի՛ քաղաքացի, գնա՛ ընտրության, որպեսզի առողջապահական քաղաքականության գնահատականը տրվի ոչ թե ճոխ ելույթներով, այլ մարդկանց փրկված կյանքերով»։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
171Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50013.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
75911.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81409.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79709.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98506.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103405.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
228904.11.2026, 23:31