Գագիկ Ծառուկյանը և «Բարգավաճ Հայաստան»-ը դատական հայց են ներկայացրել ընդդեմ «Հայաստանի հանրային հեռուստատեսության»

Գագիկ Ծառուկյանը և «Բարգավաճ Հայաստան» կուսակցությունը դատական հայց են ներկայացրել ընդդեմ «Հայաստանի հանրային հեռուստատեսություն» ՓԲ ընկերության։ Այս մասին տեղեկանում ենք «Դատալեքս» դատական տեղեկատվական համակարգից։ ԲՀԿ առաջնորդը պահանաջում է հրապարակայնորեն հերքել տարածված տեղեկությունները, որոնք որակում է՝ որպես զրպարտություն։
Հայցի համաձայն՝ «Հանրային հեռուստաընկերությունը» պարտավոր է հերքումը տարածել իր պաշտոնական կայքով (1lurer.am), յութուբյան ալիքով և ֆեյսբուքյան հարթակով։ Ընդ որում, հերքման տեքստը պետք է տեղադրվի հենց վիճարկվող՝ 2026 թվականի մայիսի 24-ի «Քոչարյանի դրդմամբ՝ ԲՀԿ հիմնում, Սարգսյանի հետ կոալիցիա. քաղաքական էջը փակել-բացելու Ծառուկյանի ուղին» վերտառությամբ նյութի հղման ներքո։
Ծառուկյանի թիմը Հանրային հեռուստաընկերության առջև դրել է հստակ տեխնիկական պահանջ։
«Հերքումը պետք է հեռարձակվի «Լուրեր» հաղորդման ընթացքում՝ առանց զիջելու հրապարակված տեղեկատվությանը՝ տևողության (11 րոպե 39 վայրկյան), ձևավորման և նյութի ներկայացման կարևորության առումով»,– ասված է հայցում։
«Իրականությունը չի համապատասխանում այն, որ «Բարգավաճ Հայաստան» կուսակցությունը ստեղծվել է որևէ քաղաքական ուժի կամ գործչի դրդմամբ կամ գործել է որևէ անձի հովանավորչությամբ։ Իրականում ԲՀԿ-ն անկախ և ինքնուրույն գործող կուսակցություն է, որը հիմնադրվել է 2004 թվականի ապրիլի 30-ին»,– նշված է հայցում։
Ըստ Ծառուկյանի թիմի՝ լրատվամիջոցը նաև անդրադարձել է Գագիկ Ծառուկյանի անվան հետ կապվող քրեական գործերին։ Հայցվոր կողմը հիշեցրել է, որ Ծառուկյանն իր նկատմամբ հարուցված բոլոր քրեական վարույթներով արդարացվել է կամ մեղավոր չի ճանաչվել։
Գագիկ Ծառուկյանը պահանջում է, որ «Հանրային»-ը բացի հերքումից՝ զրպարտությամբ պատճառված վնասի տուգանք վճարի՝ 12 մլն դրամի չափով՝ 6–ը հօգուտ կուսակցության, 6–ը՝ հօգուտ Ծառուկյանի։

Բագրատ Սրբազանի և մյուսների գործով դատական նիստը՝ ուղիղ միացմամբ (տեսանյութ)
2915:18
«Վերջին 30 տարում Հայաստանը ՅՈՒՆԵՍԿՕ-ի ժառանգության ցանկերում գրանցել է բազմաթիվ մշակութային արժեքներ». Լիլիթ Գալստյան
6114:24
«Շուրջ 30 տարի ՀՀ-ի կողմից հայտեր չեն ներկայացվել ՅՈՒՆԵՍԿՕ-ին». Ժաննա Անդրեասյան
7713:24
«ՀՀ-ում քանի՞ երեխա կարող էր անվճար երաժշտական կրթություն ստանալ, եթե պետբյուջեով չկազմակերպվեին այդ համերգները». Էդգար Ղազարյան (տեսանյութ)
8412:54
«Նոր սարքավորումները փոխել են ուղեղը մարզելու անհրաժեշտությունը. ո՞նց ենք դպրոցում աշխատում կենտրոնացման վրա». Սոնա Ղազարյան
9912:00
«Եվրոհանձնաժողովը լայնածավալ հաքերային հարձակման է ենթարկվել»․ # Politico
20911:49
«ՀՀ-ի սպորտում ահավոր մեծ է իներցիան, որը գալիս է Սովետական Միությունից». Արայիկ Հարությունյան (տեսանյութ)
8511:24
«Քրեական վարույթով հիմնավորվել է՝ Վարդան Ղուկասյանը իր պաշտոնեական դիրքն օգտագործել է ի վնաս պետական և ծառայողական շահերի». Հակակոռուպցիոն կոմիտե (տեսանյութ)
8911:00