«Եթե մրցույթի անցկացման հասցեն «պետական գաղտնիք» է, դժվար չէ կռահել դրա արդյունքը»․ Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանի ֆեյսբուքյան գրառումը․ «Գաղտնի մրցույթ՝ անհայտ հասցեով.
Այսօր պետք է տեղի ունենար Առողջության համընդհանուր ապահովագրության հիմնադրամի հոգաբարձուների խորհրդի անդամի թափուր տեղը զբաղեցնելու մրցույթը։
Մոտ մեկ ամիս առաջ հայտարարվեց մրցույթի մասին, և ես սահմանված ժամկետում ներկայացրեցի բոլոր պահանջվող փաստաթղթերը։ Երկու շաբաթ անց ինձ կրկին խնդրեցին ուղարկել նույն փաստաթղթերը, ինչը ևս կատարեցի։ Դրանից հետո՝ լիակատար լռություն։
Ավելի ուշ նախարարության կայքում տեսա ընդամենը մեկ նախադասությամբ հայտարարություն, որ ընտրությունը տեղի է ունենալու հունիսի 23-ին՝ ժամը 12:00-ին, իսկ գլխավոր տնօրենի թափուր պաշտոնի մրցույթը՝ նույն օրը ժամը 13:00-ին։ Սակայն չէր նշվել ո՛չ մրցույթի անցկացման վայրը, ո՛չ ընթացակարգը, ո՛չ մասնակցության կարգը։
Փորձեցի կապ հաստատել Հիմնադրամի հետ, պարզել, թե որտեղ և ինչ ձևաչափով է անցկացվելու մրցույթը։ Իմ բոլոր փորձերն ապարդյուն էին։ Ոչ ոք չպատասխանեց, ոչ ոք չպարզաբանեց, ոչ ոք կապ չհաստատեց։
Արդյունքում ես, որպես պաշտոնապես դիմած թեկնածու, այդպես էլ չիմացա, թե որտեղ է անցկացվում մրցույթը, ուր պետք է ներկայանամ և ինչ ընթացակարգով պետք է մասնակցեմ։ Եվ, ինչպես պարզվեց, նույն իրավիճակում են հայտնվել նաև մյուս դիմորդները։
Ահա այն ամենը, ինչ պետք է իմանալ այս իշխանությունների կողմից կազմակերպվող «մրցույթների», «թափանցիկության» և «լեգիտիմության» մասին։ Երբ նույնիսկ մրցույթի մասնակիցներին չեն հայտնում, թե որտեղ է անցկացվելու մրցույթը, դժվար է հավատալ, որ նպատակը լավագույն թեկնածուի ընտրությունն է։ Այդպիսի պայմաններում բնական հարց է առաջանում՝ արդյո՞ք մրցույթը կազմակերպվում է հաղթողին ընտրելու, թե պարզապես նախապես կայացված որոշումը ձևականորեն օրինականացնելու համար։
Հ․Գ․ Եթե մրցույթի հասցեն պետական գաղտնիք է, ապա դժվար չէ կռահել, թե ինչ կարգավիճակ ունի դրա արդյունքը»։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
171Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50013.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
75911.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81409.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79709.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98506.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103405.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
228904.11.2026, 23:31