«ՍԴ որոշումից հետո «ընդդիմադիրները» իրար հերթ չտալով վազեցին մանդատների հետևից». Արմեն Այվազյան

Քաղաքական գիտությունների դոկտոր, պատմաբան Արմեն Այվազյանի ֆեյսբուքյան գրառումը. «Ինչպես և նախորդ գրառման մեջ (հուլիսի 4) վստահորեն կանխատեսել էի, ՍԴ որոշումից անմիջապես հետո «ընդդիմադիրները» իրար հերթ չտալով վազեցին մանդատների հետևից՝ բնականաբար, իրենց քայլը «հիմնավորող» անհեթեթ բացատրություններով։ Քաղաքական ներկայացումը պետք է շարունակվի. The show must go on!
Սակայն որքան էլ ջանան՝ Հայաստանում գործող քաղաքական համակարգն ու նրա գլխավոր դերակատարներն ամբողջությամբ սպառել են իրենց լեգիտիմությունն ու կորցել ժողովրդի մեծ մասի վստահությունը։ Բեմադրությունն այլևս չի համոզում հանդիսատեսին, վարագույրի իջնելը ժամանակի հարց է։ Հետևանքներ լինելու են բոլորի համար»: