«Հանրության ընդդիմադիր հատվածում խորը հիասթափություն է»․ Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Նիկոլ Փաշինյանն ընկել է Ադրբեջանի թակարդը և տեղապտույտի մեջ ամեն օր ավելի ու ավելի է խրվում ճահճի մեջ՝ ոչնչացնելով ինքն իրեն ու երկիրը։
Այսօր էլ Սամվել Կարապետյանն ընկավ Նիկոլ Փաշինյանի թակարդը։ Թե ինչքան կտևի այդ տեղապտույտը, և նորեկ պատգամավորներն ինչքան կխրվեն ճահճի մեջ, կտեսնենք առաջիկայում։
Թեպետ ափսոսում եմ, որ Ռոբերտ Քոչարյանի գլխավորած ուժը վերցնում է մանդատները, բայց նրանց թիմում փորձառու և թրծված գործիչներ են, բազում թակարդներ տեսած։
Բոլոր դեպքերում հանրության ընդդիմադիր հատվածում խորը հիասթափություն է, ինչը դժվար թե լայնամասշտաբ փողոցային պայքարի բերի առաջիկայում։
Ամիսներ անց, երբ անվտանգային խնդիրներ լինեն, տնտեսական ճգնաժամը խորանա, ապրանքները թանկանան, մարդիկ սովածանան, գուցե հենց Նիկոլի կողմնակիցները ոտքի ելնեն՝ պահանջելով իրենց սպասած խաղաղությունն ու կուշտ փորը»։