«Եթե չլինեին քաղաքական հարցերը, այդ կենդանիներին չէին էլ հիշի»․ Օվսաննա Հովսեփյան

Երևանի ավագանու նախկին անդամ Օվսաննա Հովսեփյանի ֆեյսբուքյան գրառումը․ «Բնականաբար հասկանալի է, որ Ծառուկյանի հետ թեման կենդանիները չէին, եթե չլիներ քաղաքական հարցերը, այդ կենդանիներին չէին էլ հիշի (նոր չեն իմացել այդ մասին): Բայց ես որպես կենդանապաշտպան այնուամենայնիվ ուրախ եմ, որ այդ թեմային ինչ-որ կերպ հերթ հասավ: Ծառուկյանի չուչելների սենյակը շատ վաղուց էր ոսկոր իմ կոկորդին: Եթե որսագողությունն ու անազատության մեջ անհատի կողմից վայրի կենդանի պահելը տենց լուրջ հոդվածներ են, եկեք բոլորին անդրադարձեք, Նիկոլ Փաշինյան, ՀՀ քննչական կոմիտե։
Կարող եմ մի մեծ ցուցակ տալ ռեստորանների, հանգստյան գոտիների ու անհատների, որ անազատության մեջ վայրի կենդանիներ են պահում, բնականաբար մի քանի անգամ ավելի վատ պայմաններում, քան կպահեր Ծառուկյանը:
Հերթն իրենց էլ կհասնի՞ մի օր, թե՞ քաղաքական հակառակորդ լինելը պարտադիր պայման ա:
Իմ դարդը, ինչ մեղքս թաքցնեմ, կենդանիներն են»: