«Հիմա հասկանալի՞ է՝ ովքեր են կանգնած ՀԱԵ-ն կազմաքանդելու գործընթացի թիկունքին». Վահե Սարգսյան

Պատմաբան Վահե Սարգսյանը ֆեյսբուքյան իր էջում գրում է․ «Խոստովանեցի՞ր, զավակս․․․
Ուրեմն ԵԱՀԿ գլխավոր քարտուղար, ազգությամբ թուրք Ֆերիդուն Սինիրլիօղլուն չի իմացել, որ իրեն զանգել է ոչ թե իր սիրելի Նիկոլ Փաշինյանը, այլ ռուս պրանկերներ Վովանն ու Լեքսուսը, և բացեիբաց հայտարարել է, որ կաջակցի Նիկոլ Փաշինյանին՝ Ամենայն Հայոց կաթողիկոսի հեռացման գործում։
- «Նիկոլ Փաշինյան»․ «Կարծում եմ՝ այժմ իմ ձեռքում արդեն կան որոշակի խաղաքարտեր, և մենք կարող ենք փոխել կրոնական իրավիճակը։ Միակ բանը, ինչի համար կարող եմ խնդրել ձեզ, ձեր աջակցությունն է այն դեպքերում, երբ բախվում ենք Կարապետյանի դաշնակիցների խիստ քննադատությանը»։
- Սինիրլիօղլու․ «Լավ, ես կանեմ ինձանից կախված ամեն ինչ»։
Դե բախտներս բերել է, որ չի ասել՝ կաթողիկոսին քնացրեք, տեղափոխեք Թուրքիա, եթե դժվարություն լինի՝ կաջակցեմ։
Հիմա գոնե հասկանալի՞ է, թե ովքեր են կանգնած ՀԱԵ-ն՝ որպես ազգային ու ցանցային հզոր հենասյուն կազմաքանդելու գործընթացի թիկունքին։ Այո՛, Արևմուտքն ու թուրքական աշխարհը, իսկ Ռուսաստանում շատ լավ են հասկանում այդ ամենը»: