Ողբերգական վթար` Գեղարքունիքում. վիրավորներից 5 ամսական տղան հիվանդանոցում մահացել է

293

Երկուշաբթի, 13 հուլիսի, 2026 թ., 18:30

Այսօր՝ հուլիսի 13-ին, խոշոր ու ողբերգական ավտովթար է տեղի ունեցել Գեղարքունիքի մարզում։ Ժամը 15:50-ի սահմաններում Սևան-Մարտունի-Գետափ ավտոճանապարհի 6.5 կմ հատվածում բախվել են «BMW» և «Toyota» մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 6 հոգի տարբեր աստիճանի մարմնական վնասվածքներով տեղափոխվել են «Սևան» բժշկական կենտրոն։

Քիչ անց հիվանդանոցից ահազանգ է ստացվել ոստիկանության Սևանի բաժնի, որ վիրավորներից մեկը գիտակցության չգալով մահացել է։ Քննչական բաժինը պարզում է ավտոմեքենաների սեփականատերերի, վարորդների, մահացածի և վիրավորների ինքնությունը։

Աղբյուրի տեղեկություններով՝ մահացածը 5 ամսական տղա է։