Նույնիսկ մարմնի քաշի 5-10%-ով նվազեցումը կարող է կանխել բազմաթիվ հիվանդությունների զարգացման վտանգը

ՀՀ առողջապահության նախարարությունը հայտնում է․ «Ճարպակալումը մեծացնում է բազմաթիվ ոչ վարակիչ հիվանդությունների զարգացման վտանգը և կարող է ազդել կյանքի տևողության ու որակի վրա: Ճարպակալումը մեծացնում է սրտանոթային հիվանդությունների, 2-րդ տիպի շաքարային դիաբետի, զարկերակային գերճնշման, լյարդի ոչ ալկոհոլային ճարպային հիվանդության, հենաշարժողական համակարգի հիվանդությունների, որոշ տեսակի քաղցկեղների, քնի խանգարումների և այլ առողջական խնդիրների զարգացման հավանականությունը։
Ինչպե՞ս կանխարգելել ճարպակալումը
Նույնիսկ մարմնի քաշի 5-10%-ով նվազեցումը կարող է զգալիորեն բարելավել առողջական վիճակը և կանխել բազմաթիվ հիվանդությունների զարգացման վտանգը։
Ավելի շատ շարժվե՛ք
- Եղե՛ք ֆիզիկապես ակտիվ ամեն օր։
- Շաբաթվա ընթացքում առնվազն 150 րոպե չափավոր ինտենսիվության ֆիզիկական ակտիվություն պահպանե՛ք (օրինակ՝ արագ քայլք, հեծանիվ վարել, լող)։
- Եթե երկար ժամանակ նստած եք, յուրաքանչյուր 30–60 րոպեն մեկ կանգնե՛ք և մի քանի րոպե շարժվե՛ք։
- Հնարավորության դեպքում աշխատանքի կամ դպրոց գնացե՛ք ոտքով կամ հեծանվով։
- Վերելակի փոխարեն օգտվե՛ք աստիճաններից։
- Ավելի հաճախ զբոսնե՛ք և զբաղվե՛ք ակտիվ խաղերով ընտանիքի կամ ընկերների հետ։
- Ընտրե՛ք այնպիսի ֆիզիկական ակտիվություն, որը Ձեզ հաճույք է պատճառում և համապատասխանում է Ձեր առողջական վիճակին։
Սնվե՛ք առողջ
- Ամեն օր օգտագործե՛ք բավարար քանակությամբ բանջարեղեն և մրգեր։
- Նախընտրե՛ք ամբողջահատիկ սննդամթերք, լոբազգիներ, ընկույզներ, սերմեր և ձուկ։
- Սահմանափակե՛ք քաղցրավենիքի, հրուշակեղենի, արագ սննդի, վերամշակված մսամթերքի, ճարպոտ և տապակած սննդի օգտագործումը։
- Նվազեցրե՛ք աղի, ավելացված շաքարի, հագեցած և տրանսճարպերի օգտագործումը։
- Շաքար պարունակող ըմպելիքների փոխարեն նախընտրե՛ք սովորական ջուր։
Ընտրե՛ք առողջ կենսակերպ
- Մի՛ ծխեք և խուսափե՛ք պասիվ ծխելուց։
- Խուսափե՛ք ալկոհոլի օգտագործումից։
- Քնե՛ք բավարար ժամանակ և պահպանե՛ք կանոնավոր քնի ռեժիմ։
Խորհուրդներ երեխաների և հղիների համար
- Հղիության ընթացքում հետևե՛ք բժշկի խորհուրդներին՝ առողջ սնվելու, ֆիզիկական ակտիվության և քաշը վերահսկելու վերաբերյալ։
- Կյանքի առաջին 6 ամիսների ընթացքում երեխային բացառապես կրծքով կերակրե՛ք, այն նպաստում է նրա առողջ աճին և զարգացմանը։
- Երեխաների մոտ վաղ տարիքից ձևավորե՛ք առողջ սնվելու և կանոնավոր ֆիզիկական ակտիվության սովորություններ՝ անկախ նրանց մարմնի քաշից։
Փոքր, բայց հետևողական փոփոխությունները կարող են զգալիորեն բարելավել առողջությունը և նվազեցնել բազմաթիվ հիվանդությունների զարգացման վտանգը»։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
169Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
49813.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
75711.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81309.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79609.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98406.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103305.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
228604.11.2026, 23:31