Ուղիղ միացում՝ Նարեկ Կարապետյանի առանձնատան մոտից

Ինչպես հայտնել էինք, այսօր առավոտյան իրավապահները խուզարկություն են իրականացրել 9-րդ գումարման ԱԺ պատգամավորի կարգավիճակ ունեցող Նարեկ Կարապետյանի առանձնատանը: Բակում Կարապետյանի աջակիցներն են:

Քննչական կոմիտեից լրատվամիջոցներին հայտնել էին, որ քննչական գործողություններն իրականացվում են «Ուժեղ Հայաստան» կուսակցության խորհրդի անդամ Ալեքսան Ալեքսանյանի քրեական վարույթի շրջանակում։ Գործը վերաբերում է հավաքներին մասնակցելու համար անձանց նյութապես շահագրգռելուն և առանձնապես խոշոր չափերով փողերի լվացմանը։