Ջերմային հարվածը շոգից առաջացող ամենածանր և կյանքին վտանգ սպառնացող վիճակն է

Ջերմային հարվածը շոգից առաջացող ամենածանր և կյանքին վտանգ սպառնացող վիճակն է։ Այն զարգանում է, երբ օրգանիզմը չի կարողանում սառեցնել իրեն, և մարմնի ջերմաստիճանը կտրուկ բարձրանում է։
Առավել վտանգված են տարեցները, հղիները, փոքր երեխաները, դրսում աշխատողները, քրոնիկ հիվանդություններ ունեցողները և ալկոհոլ օգտագործողները։
Ախտանիշներն են՝
? ուժեղ գլխացավ,
? գլխապտույտ,
? շփոթվածություն կամ գիտակցության կորուստ,
? տաք, կարմրած և չոր մաշկ,
? բարձր ջերմություն,
? արագ սրտխփոց,
? ծանր դեպքերում՝ ցնցումներ։
Ջերմային հարվածի դեպքում անհրաժեշտ է տուժածին անհապաղ տեղափոխել զով կամ ստվերոտ վայր, հանել ավելորդ հագուստը, մարմինը սառեցնել սառը ջրով կամ սառցե փաթեթներով և հնարավորինս արագ կանչել շտապ բժշկական օգնություն։
Ինչ անել ջերմային հարվածը կանխելու համար՝
? օրվա ընթացքում խմել բավարար քանակությամբ ջուր,
? կրել թեթև և բաց գույնի հագուստ,
? խուսափել արևի տակ երկար մնալուց,
? ֆիզիկական ծանրաբեռնվածությունը պլանավորել օրվա զով ժամերին,
? երբեք երեխաներին չթողնել փակ մեքենայում շոգ եղանակին։
Քրոնիկ հիվանդություն ունեցողներին անհրաժեշտ է անպայման խորհրդակցել իրենց բուժող բժիշկի հետ: