«Ալիկն ուժեղ է, և փոքրիկ խմբակը դա չի ներում նրան»․ Արեգա Հովսեփյան

«Ուժեղ Հայաստան» կուսակցության անդամ Արեգա Հովսեփյանը ֆեյսբուքյան իր էջում գրել է․ «Մեր պայքարի ընկեր Ալիկ Ալեքսանյանը կալանքի տակ կմնա ևս 2 ամիս: Այդպես է որոշել Նիկոլ կեղծարարի դատարանը, այն դատարանը, որի դատավորները ըստ նույն կեղծարարի՝ «պատի տակ վնգստում են», որի դռները նույն կեղծարարի հրամանով փակվում են:
Դատարանների անկախությունը ոչ միայն ժողովրդավարության հիմքերի հիմքն են, այլ՝ երկրի բնականոն աճի գրավականը: Այսօր մեզ կեղծ օրակարգեր են թելադրում, արհեստական ընտրության առաջ կանգնեցնում, կարևորագույն թեմաներից շեղում անկարևոր հարցերով: Եվ այս ամենի նպատակը թույլ, կամազուրկ համակարգ ստեղծելն է:
Ալիկն ուժեղ է, և փոքրիկ խմբակը դա չի ներում նրան: Սպասում ենք քեզ, անփոխարինելի ընկեր»: