«Հավաքական իմաստով ունենք կիսաօրհնյալ և կիսալեգիտիմ օրենսդիր մարմին»․ Արեգ Սավգուլյան

Պատմաբան Արեգ Սավգուլյանը ֆեյսբուքյան իր էջում գրել է. «Կիսաօրհնյալ և կիսալեգիտիմ ԱԺ.
Տիտղոսային ընդդիմությունն օրհնվեց կաթողիկոսի կողմից, իսկ իշխանությունը մնաց չօրհնված։ Մի տեսակ խորհուրդ կա այս ամենի մեջ։ Ստացվում է խորհրդարանական մեծամասնությունը ոչ լեգիտիմ է և ոչ օրհնված, իսկ ընդդիմության գլխավերևում ամենազոր պահապան հրեշտակներն են պտտվում (սարկազմը ՔՊ-ական դիտանկյունից), բայց ԱԺ-ն հավաքական մարմին է, իսկ պատգամավորի կարգավիճակը բազմամանդատային, որը նշանակում է, որ անկախ ընտրությունների արդյունքներից պատգամավորը ներկայացնում է ողջ բնակչությանը։
Եվ եթե մենք միավորում ենք իշխանական և ընդդիմադիր խմբակցությունները մեկ տանիքի տակ, ապա հավաքական իմաստով ունենում ենք կիսաօրհնյալ և կիսալեգիտիմ օրենսդիր մարմին։ Հիմա կասեք չի լինում կիսահղի, դե քաղաքականության մեջ ոչինչ չի բացառվում։ Բայց ինձ ավելի հաճելի է «ոչ լեգիտիմ իշխանություն» ձևակերպումը, որովհետև այս քաոսի քավորը ՔՊ-ն է»։