«Իշխանազավթման պահին ձեր զգացողությունն ինչպիսի՞ն էր». Էդգար Ղազարյան

«Ի՞նչ զգացողություն եք ունեցել 2026-ի հունիսի 7-ի լույս 8-ի գիշերը, երբ ժամը 02:00-ին պատգամավորի թեկնածու Նիկոլ Փաշինյանը թիմակիցների հետ շատ անտրամադիր, տխուր, թախծոտ, ճլորած... չեմ կարծում՝ գիշերվա ժամով ա պայմանավորված: Ընդամենը ամփոփվել էր արդյունքների 20-30 տոկոսը ու հանկարծ էդ ուժը հռչակվում ա հաղթող: Իշխանազավթման պահին ձեր զգացողությունն ինչպիսի՞ն էր»,- դիմելով ԱԺ նախագահի տեղակալի թեկնածու Հայկ Կոնջորյանին՝ հարցրեց «Ուժեղ Հայաստանից» Էդգար Ղազարյանը: Կոնջորյանն ասաց. «Կարծում եմ՝ դուք, նույնիսկ սովորական օրերին, գիշերը ժամը երկուսին չեք ունենում այնքան կայտառ տրամադրություն, ինչ՝ առավոտյան տասին: Նորմալ է, որ կարող է այդքան կայտառ չլինեն, բայց կա իրականություն ու կա ստոպ-կադր: Հիմա դուք էս պահին ճլորած չեք ու ունեք նորմալ տրամադրություն, բայց եթե մենք վերցնենք ստոպ-կադրեր, կլինի ճլորած դեմքի արտահայտություն: Ինչ վերաբերում է իշխանազավթմանը. ուզում եմ ձեզ հիշեցնել, որ դուք մասն եք եղել քաղաքական թիմի, թիմերի, որոնք ՀՀ-ում ունենք իշխանազավթման ամենամեծ պորտֆոլիոն, որոնց օրոք կազմակերպվել է հոկտեմբերի 27-ի ահաբեկչությունը, Երևանի փողոցներում գնդակահարվել են ՀՀ քաղաքացիներ»: