Թրամփն Իրանին ուզում է տալ բոլոր հնարավորությունները, «նախքան նրանց գլխ*տելը»

ԱՄՆ-ի նախագահ Դոնալդ Թրամփը հայտարարել է, որ ցանկանում է Իրանին տալ բոլոր հնարավորությունները՝ Միացյալ Նահանգների հետ համաձայնության հասնելու համար, նախքան ավելի խիստ միջոցների դիմելը։
Հուլիսին Wall Street Journal-ը հաղորդել է, որ Միացյալ Նահանգները հետաձգել է Իրանում լարվածության սրացումը՝ այն մտահոգությունների ֆոնին, որ խոշոր հարվածը կհանգեցնի Patriot հրթիռների և այլ հակաօդային պաշտպանության համակարգերի նվազող պաշարների հետագա սպառմանը։ «Ես ուզում եմ նրանց [Իրանին - խմբ.] տալ բոլոր հնարավորությունները, նախքան նրանց գլխատելը», - ասել է Թրամփը՝ պատասխանելով Իրանի վրա խոշոր հարվածները չեղարկելու մասին հարցին։
Ամերիկացի առաջնորդը հավելել է, որ այս պահին դժվար է իրականացնել Վաշինգտոնի կողմից պատրաստված և ուժի մեջ մնացած ծրագրերը։ Թրամփը նշել է, որ հպարտանում է նրանով, որ միշտ մարդկանց հնարավորություն է տալիս։
Հուլիսի 8-ին Թրամփը հայտարարել է, որ հունիսի 18-ի գիշերը Իրանի հետ կնքված հրադադարը այլևս ուժի մեջ չէ։ Հուլիսի 8-ից ի վեր ամերիկյան զինվորականները մի քանի հարձակումներ են իրականացրել Իրանի վրա։ ԱՄՆ կենտրոնական հրամանատարությունը պնդել է, որ դա արվել է ի պատասխան Թեհրանի կողմից Հորմուզի նեղուցով անցնող առևտրային նավերի դեմ գործողությունների։ Իրանի զինված ուժերը պատասխանեցին Մերձավոր Արևելքի մի քանի երկրներում գտնվող ամերիկյան բազաների վրա հարվածներով։ Թեհրանը նաև մեղադրեց Վաշինգտոնին հրադադարի համաձայնագիրը խախտելու մեջ։