Ուրբաթ, 23 հոկտեմբերի, 2026 թ.
|
Ստեփանակերտում`   +11 °C

Ծեծկռտուք՝ Դաշտավան գյուղում. կա 10-ից ավելի վիրավոր

Ծեծկռտուք՝ Դաշտավան գյուղում. կա 10-ից ավելի վիրավոր
642
Կիրակի, 09 օգոստոսի, 2026 թ., 13:12

Այսօր՝ օգոստոսի 9-ին, ծեծկռտուք և արտակարգ դեպք է տեղի ունեցել Արարատի մարզում։ Ժամը 00։30-ի սահմաններում ՀՀ ներքին գործերի նախարարության ոստիկանության Մասիսի բաժնում տեղեկություններ են ստացվել, որ Մասիս խոշորացված համայնքի Դաշտավան բնակավայրի գլխավոր խաչմերուկում ծեծկռտուք է տեղի ունենում։

Ինչպես հայտնում է ֆոտոլրագրող Գագիկ Շամշյանը, տեղում պարզվել է, որ ստացված տեղեկությունը հավաստի է։ Դեպքի վայրում համայնքային և քրեական ոստիկանները հայտնաբերել են մեծ թվով քարերի կտորներ, փայտեր, արնանման նամ հետքեր, հողաթափեր, գլխարկներ և այլ իրեր։ Ըստ նախնական տեղեկությունների՝ նշված վայրից բուժօգնություն ստանալու նպատակով Մասիսի հիվանդանոց են դիմել 10-ից ավելի քաղաքացիներ։ Դեպքի վայրում հավաքված մի քանի քաղաքացիներ, ասել են, որ լսել են նաև կրակոցի ձայներ։ Այդ տեղեկությունը ճշտվում է։