Եգիպտոսը հրաժարվել է միանալ Թուրքիայի, Սաուդյան Արաբիայի և Պակիստանի պաշտպանական դաշինքին

Թուրքիայի, Սաուդյան Արաբիայի և Պակիստանի առաջնորդները հրավիրել են Եգիպտոսին միանալ իրենց պաշտպանական դաշինքին, սակայն երկիրը հրաժարվել է: Այս մասին հայտնել է Մադա Մասրը՝ հղում անելով աղբյուրներին:
Գործակալության աղբյուրները նշել են, որ Եգիպտոսը պահպանում է ամուր երկկողմ հարաբերություններ կոալիցիոն երկրների հետ: Սակայն Կահիրեն դաշինքը դիտարկում է՝ որպես քաղաքական, այլ ոչ թե պաշտպանական: Աղբյուրների համաձայն, Եգիպտոսը վախենում է, որ դաշինքին միանալը կսահմանափակի իր սեփական մանևրները տարածաշրջանում:

Նախկինում Թուրքիայում աշխատած դիվանագետը «Մադա Մասրի»-ն ասել է, որ երեք երկրների միջև համաձայնագիրը ներկայացնում է ոչ այնքան բոլոր կողմերի շահերից բխող պաշտպանական պայմանագիր, որքան Սաուդյան Արաբիայի շահերից բխող պաշտպանական պայմանագիր:

Սաուդյան Արաբիան, Թուրքիան և Պակիստանը օգոստոսի 7-ին ստորագրել են եռակողմ պաշտպանական համաձայնագիր: Պակիստանի արտաքին գործերի նախարարության տվյալներով՝ որոշումը կայացվել է Մերձավոր Արևելքում ռազմական հակամարտության սրման պատճառով: Այժմ երկրներից որևէ մեկի վրա զինված հարձակումը կհամարվի հարձակում բոլոր երեք պետությունների վրա: