«Հնարավո՞ր է՝ ձեզ համոզեն կողմ քվեարկել նոր Սահմանադրության նախագծին»․ հարց՝ Նարեկ Կարապետյանին

«Հնարավո՞ր է՝ ձեզ համոզեն կողմ քվեարկել նոր Սահմանադրության նախագծին և ո՞ր դեպքում կհամոզվեք»,- ճեպազրույցի ժամանակ լրագրողը դիմեց ԱԺ «Ուժեղ Հայաստան» խմբակցության ղեկավար Նարեկ Կարապետյանին։ «Մեր Անկախության հռչակագիրը մեր երկրի ծննդական է, ասենք՝ հասնենք 35 տարեկանի ու վառե՞նք մեր ծննդականը»,- նշեց ընդդիմադիր գործիչը և շարունակեց․ «Մենք խաղաղության ջատագով ենք, բայց նաև համաձայն չենք այն մոտեցմանը, որ պետք է մեր ծննդականը վառենք, Ալիևի առաջարկած, բերած Սահմանդրությանը կողմ քվեարկենք։ Ամեն օր էդ մարդիկ հայտարարում են, որ իրենք սպասում են սահմանադրական հանրաքվեին․ դա իրենց հանրաքվեն է, մեր երկրի ապագայի համար էլ սխալ ճանապարհ է»։