«Տանում են կալանքի՝ ընտրական գործընթացների ժամանակ բարեգործության արգելքը խախտելու մեղադրանքով»․ Լիա Սարգսյան

Լրագրող Լիա Սարգսյանը ֆեյսբուքյան իր էջում գրել է․ ««Իշխանություն» լրատվականի տեղեկություններով՝ Ծառուկյանի թիմակից Մարտուն Գրիգորյանին տանում են կալանքի՝ ընտրական գործընթացների ժամանակ բարեգործության արգելքը խախտելու մեղադրանքով, իբրև Գյումրի քաղաքի բնակչի տան վերանորոգման համար անհատույց տվել են շինարարական նյութեր:
Ավելի վաղ իրավապահները հայտնել էին, որ
Հակակոռուպցիոն կոմիտեի և ոստիկանության Շիրակի մարզային վարչության ծառայողների կողմից համատեղ ձեռնարկված միջոցառումների արդյունքում տվյալներ են ստացվել այն մասին, որ «Բարգավաճ Հայաստան» կուսակցության մի խումբ անդամներ, ԱԺ ընտրությունների նշանակման որոշումն ուժի մեջ մտնելու օրվանից մինչև ընտրությունների արդյունքների ամփոփումը, բարեգործության անվան տակ, ընտրող հանդիսացող Գյումրի քաղաքի բնակչի տան վերանորոգման համար անհատույց տվել են շինարարական նյութեր:
Հիշեցնենք, որ այս գործի շրջանակում իրավապահները մայիսի 22-ին խուզարկություն են իրականացրել ԲՀԿ կուսակցության պատգամավորի թեկնածու Մարտուն Գրիգորյանի գրասենյակում և տանը»։