«Մորը, դուստրերին տարել են կալանքի. կանանց իրավունքների պաշտպաննե՛ր, ասելիք չունե՞ք». Գեղամ Մանուկյան

«Երեկ Ռոբերտ Քոչարյանի դեմ արշավում ձերբակալվում է մի ամբողջ ընտանիք՝ հայր, մայր, երկու քույր: Քույրերից մեկը միայնակ մայր է: Դատարանը, առանց աչքը թարթելու, կալանքի որոշում է կայացնում: Կասեք՝ տատին կպահի, չէ՜, 74 տարեկան տատիին էլ են կալանք տալիս, իսկ աղջկան գիտե՞ք՝ ինչո՞ւ են կալանք տվել, որ իբր 1998-ին Քոչարյանին օժանդակել է ինչ-որ հանցագործություն կատարելու մեջ: Հորը տվել են տնային կալանք»,- ԱԺ-ում հայտարարեց «Հայաստան» խմբակցության պատգամավոր Գեղամ Մանուկյանը՝ հավելելով. «Երեկ դատարանի բակում տասնյակներով ոստիկաններ կային, գետինն էին մտել, մութ էր, ռիսկով ասում էին՝ Մանուկյա՛ն, չգրված օրենք կար, ընտանիքի երկու անդամի չեն բռնում: Մորը, դուստրերին տարել են կալանքի, տիկի՛ն Բաթոյան, խոսում եք կանանց իրավունքների մասին... մի հատ ՀԿ-ի բարձրաձայնում եղե՞լ է»: