Նարեկ Նալբանդյանը դարձել է «Հրազդան ցեմենտի գործարան»-ի սեփականատերը

ԱԺ «Ուժեղ Հայաստան» խմբակցության պատգամավոր Ռուբեն Մխիթարյանի գրառումը․ «Օ՜ զարմանք, Նարեկ Նալբանդյանը «ձեռք բերեց» «Հրազդան ցեմենտի գործարանը»»:

Հիշեցնենք, որ Նարեկ Նալբանդյանը համարվում է ՔՊ-ին մոտ կանգնած գործարար:

Նրան պատկանող Eighty Eight Deluxe Hotel-ի պաշտոնական ֆեյսբուքյան կայքում գրառում է արված, որում ասվում է

«Հրազդան ցեմենտի գործարանը» նոր սեփականատեր ունի․ Նարեկ Նալբանդյանը նախատեսում է լայնածավալ ներդրումային ծրագիր

Տարիներ շարունակ չգործող «Հրազդան ցեմենտի գործարան»-ը նոր սեփականատեր ունի։ Այն ձեռք է բերել գործարար Նարեկ Նալբանդյանը։

Գործարանի համար սկսվում է զարգացման նոր փուլ։ Հնարավորինս սեղմ ժամկետներում նախատեսվում է մեկնարկել լայնածավալ ներդրումային ծրագիր։

Ծրագրի շրջանակում կվերազինվեն գործարանի սարքավորումները, կվերականգնվի արտադրական ներուժը և կստեղծվեն նոր աշխատատեղեր։

«Հրազդան ցեմենտի գործարան»-ի վերագործարկումը կարևոր նշանակություն կունենա Հայաստանի արդյունաբերության զարգացման համար՝ նպաստելով տեղական արտադրության աճին և երկրի տնտեսական ակտիվությանը»։