«Հայաստանը չի կործանվի, եթե գազի գինը թանկանա»․ Թագուհի Ղազարյան

«Կառաջարկեի՝ որպես աշխարհի վերջ չնկարագրել գազի թանկացումը կամ ԵԱՏՄ-ից դուրս գալ, ԵՄ-ը չմտնելը։ Դա նույնպես տարբերակներից մեկն է, որ Հայաստանը կարող է սպառել բարձր գնով գազ, Հայաստանի կառավարությունը պատրաստ է, Հայաստանի քաղաքացիները կունենան և՛ գազ, և՛ գազի փող, եթե դրա անհրաժեշտությունը լինի»,- լրագրողների հետ զրույցում ասել է ՔՊ-ական պատգամավոր Թագուհի Ղազարյանը: «Ես չեմ կարծում, որ գազի գնի պատճառով Հայաստանը պետք է կոմպրոմիսների գնա այնպիսի հարցերի հաշվին, որոնք կարմիր գծեր են։ Մենք ապրում ենք մի տարածաշրջանում, որը գազի կաթսա է, ընդամենը տեխնիկական հարցեր են՝ այդ գազին մատչելիություն ունենալու համար, մենք կունենանք և գազ, և գազի փող՝ մինչև էժան գազի հասնելը: Մենք կգտնենք քաղաքացիների համար լավագույն լուծումը և պետք չէ գազի գնի թանկացումը ներկայացնել որպես աշխարհի վերջը, աշխարհի վերջը չի լինի, Հայաստան չի կործանվի, եթե գազի գինը թանկանա»,- շարունակել է պատգամավորը: