«ՀԷՑ-ը պետական կառավարման ենք հանձնում, մասնավորեցման նպատակ չունենք»․ Նիկոլ Փաշինյան

Կառավարության նիստում քննարկվում է «Հայաստանի էլեկտրական ցանցեր» ընկերության 100 տոկոս բաժնետոմսերը հանրային գերակա շահ ճանաչելու մասին որոշման նախագիծը։
Որոշման հիմնավորումների համաձայն՝ «հանրության գերակա շահի սկզբունքը թույլ է տալիս պետությանը միջամտել, երբ վտանգվում է քաղաքացիների անխափան և անվտանգ ծառայություն ստանալու իրավունքը»։

«Մեր պլան Ա-ն հետևյալն է՝ դա դառնում է պետական սեփականություն, և մենք պետական կառավարման ենք հանձնում միջազգային թոփ ընկերության կամ ընկերությունների խմբին, այսինքն՝ մենք մասնավորեցման նպատակ չունենք։ Եթե պարզվի, որ մենք մեր պլան Ա-ն չենք կարողանում իրականացնել, կանցնենք ուրիշ պլանների քննարկմանը։ Առաջիկայում սա մեր կարևորագույն թեմաներից մեկն է լինելու»,- նշեց վարչապետ Նիկոլ Փաշինյանը։