Ալիևը ռազմական շքերթի ժամանակ հայտնել է «նախիջևանյան գործողությունների» մասին և կոչով դիմել Հայաստանին

Ադրբեջանի նախագահ Իլհամ Ալիևը երեկ ռազմական շքերթի ժամանակ հայտնել է 2018թ. «նախիջևանյան գործողությունների» մասին և կոչով դիմել Հայաստանին:

Նրա խոսքով՝ 2016թ. ապրիլին և 2018թ. մայիսին ադրբեջանական բանակը ««օկուպացված տարածքների» որոշակի հատվածներ է ազատագրել, և ռազմավարական նշանակության բարձունքները հայտնվել են ադրբեջանական բանակի վերահսկողության տակ»:

Ալիևը Հայաստանին կոչ է արել վերադառնալ բանակցային սեղանի շուրջ՝ Լեռնային Ղարաբաղի հակամարտության շուտափույթ կարգավորման համար:

«Մենք Լեռնային Ղարաբաղի հակամարտության խաղաղ կարգավորման կողմնակիցն ենք, սակայն մենք չենք համակերպվի օկուպացման հետ: Հակառակորդը պետք է հասկանա, որ չկա ռազմական և ռազմավարական օբյեկտ, որը չկարողանա ոչնչացնել ադրբեջանական բանակը»,- ասել է նա:

Հիշեցնենք, որ ավելի վաղ ՀՀ վարչապետ Նիկոլ Փաշինյանն անդրադարձել էր սահմանային լարվածությանը՝ հայտնելով, որ Նախիջևանի հատվածում որոշակի լարվածություն է առաջացել: