Երկուշաբթի, 23 փետրվարի, 2026 թ.
|
Ստեփանակերտում`   +10 °C

«Ծիծեռնակաբերդ այցելությունը մեղմացուցիչ հանգամանք չի կարող լինել». Հայկ Մարտիրոսյան

«Ծիծեռնակաբերդ այցելությունը մեղմացուցիչ հանգամանք չի կարող լինել». Հայկ Մարտիրոսյան
817
Շաբաթ, 25 օգոստոսի, 2018 թ., 16:35

Քաղաքագետ Հայկ Մարտիրոսյանը սոցկայքի իր էջում գրել է.

2016թ. Մեդիա Սենթրում մի քննարկման ժամանակ հատուկ ընդգծեցի, որ Գերմանիայի՝ Հայոց ցեղասպանությունն իբրև ճանաչող բանաձևը շատ թույլ, անատամ և չեղածին հավասարազոր մի փաստաթուղթ է: Մակերեսային և պոպուլյար տեսակետներին հակված վերլուծաբանները արագ արձագանքեցին այդ մոտեցմանը և սկսեցին հերքել:

Իմ տեսակետի վկայությունը երեկվա Մերկելի խոսքերն էին ասուլիսին:

Կանխամտածված կերպով շրջանցվեց «ցեղասպանություն» - Völkermord եզրը: Հայաստանում սա կարծես թե բոլորն անտեսեցին: Գերմանիայի կանցլերի՝ Հայաստան առաջին այցով և անհամար սելֆիներով ոգևորության ֆոնին կանցլերին ներվեց գրեթե ցեղասպանության բնորոշումը հերքող ձևակերպումներին նման նրա խուսափողական բնորոշումը: Եվ Ծիծեռնակաբերդ այցելությունը դրա համար որևէ մեղմացուցիչ հանգամանք չի կարող լինել: