Նյու Յորքում կայացել է Մնացականյան-Մամեդյարով հանդիպումը

ՀՀ ԱԳ նախարարությունը տեղեկացնում է, որ Նյու Յորքում տեղի է ունեցել Հայաստանի ԱԳ նախարար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հանդիպումը՝ ԵԱՀԿ ՄԽ համանախագահների մասնակցությամբ։ Հանդիպումն սկսվել է նախ ընդլայնված ձևաչափով, ապա արտգործնախարարներն առանձնազրույց են ունեցել։ ՀՀ ԱԳ նախարարը վերահաստատել է ԼՂ հակամարտության բացառապես խաղաղ կարգավորման վերաբերյալ Հայաստանի դիրքորոշումն ու մոտեցումները։ Զրուցակիցները պայմանավորվել են շարունակել երկխոսությունը, ներառյալ՝ առաջիկայում համանախագահների տարածաշրջան կատարելիք այցի շրջանակներում։