«Իրավունք չունեինք հանրությունից գաղտնի պահել, որ հանրահավաքին մասնակցելու համար մարդկանց վճարել են». Դ. Իոաննիսյան

«Շարունակում եմ պնդել, որ քարոզչության որևիցե նպատակ չի եղել, ասուլիսի ժամանակ հնչել են նաև այլ կուսակցությունների խախտումների մասին, այդ թվում արձանագրվել են ԲՀԿ-ի հետ կապված որոշակի խնդիրներ, որոնք իրականությանը համապատասխանում են, այսինքն՝ ասուլիսը ֆիքսված չի եղել ԲՀԿ-ի վրա: Զարմացած էի, որ այդքան ծանր տարան՝ սկսած ասուլիսը տապալելուց»,- ԿԸՀ նիստից հետո լրագրողների հետ զրույցում ասաց «Անկախ դիտորդ»-ի ներկայացուցիչ Դանիել Իոաննիսյանը:

Արդեն հայտնել էինք, որ ԿԸՀ-ն մերժել է ԲՀԿ-ի ներկայացուցչի դիմումն ընդդեմ Դ. Իոաննիսյանի:

«Չի կարող դիտորդը կամ լրագրողը ձեռքի տակ ունենա ապացույցներ, որ ինչ-որ կուսակցության հավաքի ժամանակ մարդկանց վճարել են ու հասարակությունից գաղտնի պահի»,- հավելեց նա: