Գագիկ Ծառուկյանը շարունակում է «քցել» ընտրությունների ընթացքում՝ դաշինքի համար աշխատողների աշխատավարձերը

MAMUL.am-ի խմբագրությունը շարունակում է նամակներ ստանալ քաղաքացիներից, ովքեր դժգոհում են, որ «Բարգավաճ Հայաստան»-ը չի վճարել ընտրարշավի ժամանակ կատարած աշխատանքների համար: Ներկայացնում ենք հերթական նամակը. «Տեսնելով, որ մի քանի հոգի ձեզ արդեն դիմել են ԲՀԿ-ից չստացված աշխատավարձերի համար, որոշեցինք մենք էլ դիմել: Ձեզ եմ գրում մի քանի հոգու անունից: Աշխատավարձեր չեն տրվել նաև Էրեբունի մասիվ և Շենգավիթ համայնքների շտաբերի աշխատողներին: Կուզեի շեշտել, որ սա աշխատավարձ է կատարված աշխատանքի համար (հարցումներ ցուցակագրելով և այլն) և ո՛չ ընտրակաշառք: Մենք ուզում ենք, որ ԲՀԿ-ն՝ Գագիկ Ծառուկյանի գլխավորությամբ, փոխանցի աշխատավարձերը: Դիմում ենք այս եղանակով, եթե լուծում չտրվեց, արդեն տեսախցիկի առաջ կբարձրաձայնենք»:

MAMUL.am-ը կրկին դիմում է քաղաքացիներին. եթե Դուք ևս տիրապետում եք նման տեղեկությունների, հայտնվել եք նման իրավիճակներում, որտեղ ոտնահարվել(ում) են ձեր իրավունքները, խնդրում ենք գրել մեկնաբանություններում, ուղարկել նամակ, կամ զանգահարել մեր խմբագրություն: