Նիկոլ Փաշինյանն ուղիղ եթերում է (տեսանյութ)

ՀՀ վարչապետ Նիկոլ Փաշինյանը ֆեյսբուքյան ուղիղ եթերով անդրադարձել է երիտասարդ ընտանիքներին ցածր և երկարաժամկետ վարկերով բնակարան ձեռք բերելու ծրագրին՝ նշելով, որ Երևանում քաղաքացիները բնակարան կարող են ձեռք բերել 7,5 տոկոս վարկով, իսկ մարզերում 5,5 տոկոսով: «Եթե նախկինում երիտասարդ ընտանիք էր համարվում այն ընտանիքը, որտեղ ամուսինների գումարային տարիքը 65-ն էր, հիմա ավելացվել է 5 տարի և դարձել է 70 տարի: Այսինքն՝ ամուսինների ընդհանուր տարիքը 70 լինելու դեպքում, այդ ընտանիքները համարվում են երիտասարդ և կարող են բնակարաններ ձեռք բերել տվյալ պայմաններով...Ես նոր խոսում էի ԿԲ նախագահի հետ, և ասեմ, որ նախատեսվում է ավելի ցածր տոկոսով բնակարաններ»,- ասաց Նիկոլ Փաշինյանը՝ հավելելով, որ եթե նախկինում կանխավճարը 30 տոկոս էր, հիմա՝ 10:

Վարչապետը հավելեց, որ առաջին շուկայից ձեռք բերելու դեպքում, վարկի մարման ժամկետը 30 տարի է, իսկ երկրորդային շուկայից կգործի 20 տարվա ժամկետը: