«Ադրբեջանի հետ բանակցելը ոչ թե կանխում է լայնածավալ պատերազմը, այլ՝ հետաձգում». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է.

«Մարդիկ հակված են հավատալու այն բանին, ինչին ցանկանում են հավատալ: Արցախյան հակամարտությունը բանակցությունների միջոցով լուծելն իրատեսական չէ, որքան էլ այն նախընտրելի լինի: Իրատեսական չէ, քանի որ կողմերի դիրքորոշումները հակառակ են, իրատեսական չէ, քանի դեռ Ադրբեջանում իշխում է Իլհամ Ալիևը, որի համար այդ հակամարտությունը բնակչության ուշադրությունն իր և իր կլանի կողմից կատարվող թալանից, Ադրբեջանում առկա սոցիալական խնդիրներից շեղելու, ազգին համախմբելու արդյունավետ միջոց է: 2011թ. Կազանում Սերժ Սարգսյանը հակված էր զիջումների, սակայն Իլհամը շուրջ մեկ տասնյակ փոփոխություններ առաջարկեց, որոնք ի չիք դարձրին համաձայնագրի կնքումը: Ադրբեջանի հետ բանակցել հարկավոր է, սակայն դրանք ոչ թե կանխում են լայնածավալ պատերազմը, այլ՝ հետաձգում այն»: