«Պայմանավորվածություն եղե՞լ է, որ դուք թեկնածու չառաջադրեք». լրագրողները՝ Միքայել Մելքումյանին

«Մենք, որևէ, պայմանավորվածություն ձեռք չենք բերել, լսել ենք տեղեկատվություն, թե ինչ է պատրաստվում անել կառավարությունը, ինչ մտադրություններ ունի: Այդ մտադրությունները լսեցինք, կային փաստարկներ և հակափաստարկներ, այդ բոլորը քննարկվեց և կառավորությունը մնաց իր տեսակետին, որ արտահերթ ընտրությունները նախապատրաստվում են դեկտեմբերին»,- լրագրողների հետ զրույցում նշեց ԱԺ փոխնախագահ («Ծառուկյան» խմբակցություն) Միքայել Մելքումյանը:

Հարցին, թե պայմանավորվածություն եղե՞լ է, որ դուք թեկնածու չառաջադրեք, Միքայել Մելքումյանը պատասխանեց, որ խոսակցություններ եղել են, սակայն, ոչ մի պայմանավորվածություն չի եղել: «Պայմանավորվածություն կարող է լինել այն դեպքում, եթե դու այն պաշտոնապես քննարկես, պայմանավորվել ենք շարունակել շփումները, մենք մնում ենք մեր տեսակետին: Առանձին գործիչներ կարող են տեսակետներ ներկայացնել, բայց կուսակցությունը պաշտոնապես չի հայտարարել»,- ասաց նա: